Nikaragua yulni balna ulwi yakna yulni tunan balna

Yulni balna ulwi yakna adika kurih 2008 kaupak  yayamwi, pat 40.000 tausin ulwi yayakna,wauhtaya ulnin bik kidika (8 ½ x 11). Wauhtanitaya adika ulwi  yakna balna kidika, Ulwi yakwi Nicaragua yak ulna balna kaupak duwi. Ulwi yakwi dawi prisant https.//www.temasnicas,net/ munah lâwi, dawak bik Enrique Bolaños ulwi yakna wing kau bik ulwi yakwi, kaput bik  memoria centroamericana kaupak bio-nica-imunah bik ulwi yakwi. Ulwi yakna bâni kidika 10 sahyakna duwi, witingna sah yakna  uduhna bâni kidika silp silp uhulwi tunan muihni bik uk uk duduwi nikaragua yalahwa yulni uhulwi

 

 

 

YUL BAYAKNA BALNA

 

Adika ulwi yakna kidika Flavio Rivera  Montealegre, kulnin lâni as yakna dai kurih 2008 yak dawak  bik yul balna ulwi yayakwa pani kaupak bik kulnin lâni as yakna  yulwi  yaknin nikaragua yak sinsni satni kau tingta yamwa yulni Jose Mejia Lacayo ulwi yakna.

Adika wauhnitaya ulwi yaknin kata dika muihni balna tunan babahna ayangnina adika  balna: Jorge Eduardo Arellano, Esteban Duque Estrada Sacasa, Aldo Guerra Duarte, Eddy kuhl Arauz, José Mejía Lacayo, Flavio Rivera Montealgre dawak Carlos Tunnermann Bernheim.

 

 

 

 

Tȗnan bahna yulni balna

 

Ulna tȗnan bȗ duwi kidika wat wat wisamwi, as kidika mâ kulna balna nunuhni, dawak uk kidika yul ulwi yakna yulni tȗnan balna kau ulna.  Adika ulwi yayakna muih mahni Kalpakwi wark yayamna 1500 muih, wing wainiku 2020 kat pat 3,645 yul ulwi yakna pararahni aput yayamna dai. Sahyakna 10 yakaupak bitik kat 123 yayamna muih 64 kalpakwi.

    

Yul Ulwi yakna buas kidika yul bitik yulni balna, dawak uk kidika yul bayakna balna bitik kat 732,muih 280 kalpakwi yayamna. Yul bayaknal balna kidika 454 ki 218 kalpakwi uhulna. Dawak sau sangnika  ritsni balna ulwi yakna kidika parasni bas duwi,bitik kat 229 ki muih  89 kalpakwi. Sau ritsni sangnika balna yulni  kidika dî wail balna uk balna bitik  umani balna karak bahana, wisam ulwi yakna balna karak libitna  Ing, Guillermo Bendaña witing ulwi yakwi.

 

Sangnika yulni balna ulna kidika 303 ulwi yakna, 153 kalpakwi yayamna. Adika ulna usnit tuluki Segovias dawi ulna pararahni balna bik ki. Sutni yak ulna pakki yul satni mahni kau ulna bangki, buas kat ulna pasyak sip kawas dana, buas kat yulni balna kidika sip ban pini adas ki, buas kat walwi yakwi ulda yulni kat uk kidika laih sip ban pini uldi adas ki.   Bitik yak yul bayakna mahni yulni balna uhulna, kat yul as kidika baisa ulwas bangki, , kat yul as as kidika dadasni ki, kidika balna bitik kidika walwi pâni anin.

Yul wal yakna balna yak sahyakna binina ulna bitik 712 ulna, RTN ulna balna kidika mahni ki. Kidika bahang mayang yul walyakna  wauhnitaya ulyakdi. Mayang pasyak ulwi anin ki sara kau dî balna bayakna dini balna 42  kidika yulni ulnin,kat kidika  yulni balna kidika mayang sara kaupak dudi. Akat baisa uldas ki segovias dawak Caribe yulni balna, kat kidika balna bik yul bayakna balna mahni duwi. Bȗpak yak 348 ulna balna ki.

Mayang wauhtaya yulwi talna manah atnin awas mayang,kaput atnin bik awas kuldi, kaput bik yulwi talnin as as ulna dudi,  Ruben Dario yulni

 

 

 

YULWI TALYANG BALNA KALUDUDUHNA

Nicaragua  yulni yulwi ulwi yakna wauhnitaya kidika sumalnin lâni tani dawak  adika ulna balna adika muih buas laihwi tatalwi papatwi. Adika kurihni 2020 Wing wainiku yak muih 807 mahni uiwi tatalna,  bitik kat 1,415 ui tatalna. Dawak kurih 2020 yak buas yaklakna 1,415  muih uiwi tatalna dai,kaupak  waiku uk balna karak 1,778. Dapa wainiku kurih 2020 yak, muih mahni dai,ulyang balna mahni dai. Pas wainiku dai wix yak watna dai, dawak adika mâni balna yak wauhtaya ulwi papatyang balna kasak uina dai bahang muih mahni dai.  

 

Muih balna kidika 30 pâ balna kaupak watwi aiwi, Baisa mahni aiwa kidika nicaragua kaupak ki 736, Usnit yak 358 Estados Unidos, Europa,dawak America hispana.

 

Waralaih wauhniyata ulna adika sip ki Enrique Bolaños ulna wauhnitanitaya ulna mahni pâni kaupak walyaknin, Bio-Nica awas kat centroamericana ulna tâni munah kawi yaknin.

 

Kaput bik wauhnitaya ulwi yakna adika muih mahni tatalwa kidika laih,Google yak munah. Wauhtaya balna baisa yulwi tatalwa kidika PDF yak sakki 71,9, usnit yak 19.3 MOBI  karak,dawak EPUB laih 8,0 kidika bahang tanka nuhni ki MOBI dawi EPUB karak ulwi yaknin kidika.

 

WAUHYATA ULNA DANGNI YAK DI WAYA BANG KIDIKA TANNIKA

 

Pas tunan wauhtaya balna ulwi yakna kidika tias kau bas ki, wilih almuk wainiku dawak krismis wainiku kurih 2008 yak, wauhtaya dangnit yak diwaya ulwas dai.wauhtaya dangni kidika wasautni lalahni dai. dawak wais wais balna uhulna kidika ayangnina ulna dai, kalpakwi wark yayamna balna bik.  Dawak uhulwa yakut baisa lan kalahwa dai. Dangnit yak baisa sat uk uhulna. Yamwi talwi baisa yulwi tatalwi wayani balna satni talwinah, dawak di uk balna bik.

 

Pas tunan wayani balna kidika Jose Mejia Lacayo yamna, usnit dawak arquitecto Flavio Rivera Montealegre ulna dawak  witing ulna balna bitik kidika laihwi talwi danh yamna.

 

 

SAHYAKNA BALNA

Ulna sahyakna balna as as kidika buas barakwas ki mâ balna bayakwa bik, dapamna dai awas kat ulyang balna yaklauwi dinit kahna dai, adika  balna ki, laihwi di mahni kau yamnin (arte), Mâ taimni sat uk uk kalwi. Sau yulni balna, lalah ritsni balna, dibasta sangnika  balna, Sau satni balna, Sinsni lâni balna wisam dawak yamwi barakwi kiunin.Was balna  dawak salaini balna,

Mâ as kat laihwi ulwa muihni kidika dawi siknis yulni, adika balna kapat, Sinsni lâni balna  wisam dawak yamwi barakwi kiunin.

Dawak ulna balna buas kidika sip barakwas ki kat muih dis ki ulnin.kaput kauna nicaragua muihni balna kidika wauhtaya yulwi talnin laih ki, yul yayamni bin uhulwa kidika dawak lawana balna kapat kidika laik ki talnin na.

Mayang kaupak naikau ki, numba yulni balna kidika, waralaih mayang sumaldi yul aminwa balna, amput yamnin kidika, kaput laih wauhtaya yulwi tal yang balna yak baisa yamni laih amanglanin yulni.

Wauhtaya ȗni pâni yak dawak amput wauhtaya balna uduhnin tannika duyang kidika sim kapat patki kauna, kidika, muih as bik yulwi dakawas ki, dawak muih bik yul ulwi lalawas ki (42) kidika pas yak bang ki numba nining yak sinsni baraknin. Muih ramhni kulni bik uba tatalwas ki 65 ulna manah duwi Esteban Duque Estrada bik ulwa dai lalah ristni  nining yak, kauna  ulwas dadana.  Dutni palni ki kat yakat yul wal yakna balna ulwa dai, yul balna bitik kidika tanka nuhni ki

Warminit ni wauhtaya ulwi yakwa adika balna. wauhtaya dangnit, Amput yulwi talnin kidika, Ulwa pâni yakaupak, wisam balna Sau ristni laihwi talwa balna.  Segovias yulni balna, Caribe yulni balna, Ulyakna balna, Yul balna, Yul walwi yakna  dawak sinsni lâni. Sau amput kidika tannika, Muih sangnika laihwi talnin, dawak amput yalahwa sangnika, ramhni balna ulwi yakna.

 

 

 

 

WAUHTAYA LAIHWI YAMYANG BALNA SAHYAKNA

      Tunan yak muih as walna adika ulwi laihwi talwi tanit yak duwi kiunin kauna sip awas dana. Dawak dutni kalwak talwa dawi, kulna aput yamnin, Laihwi yamyang balna sahyakna, kaput laihwi talwi, baisa apis ulwi lâni baisa sinsni baraknin balna yak.

      Ramhni balna ulnin sahyakna yak duda dai, Dr,  Humberto Carrion, witing ulna  ramhni sinsni lâni balna yak, dawak ulyang balna ramhnina bik amput dianin kidika, warminitni kidika nining yak sakki, Dr, RobertoFerrey Echeverry.

       Sangnika  laihwi talnin ulna yak  duda dai arquelogo Dr, Rigoberto Navarro Genie, witing laihwi talwi ulyang yamni ki,

Dawak Dr, Geoffrey, McCafferty, universidad de Calgary de alberta Canada yak sumalyang arqueologo as ki. dawak bik nicaragua sauni Granada yak sau kurwi di balna laihwi talna dawak bik  indian dî yus mumna balna umani  ȗnina tunan dai sim pâni yak granada.

       Wauhtaya ulna balna yak ilp munwi uhulna,  Dr, Jaen.Michel Maes, nicaragua sauki yak muih sinsni naini duwi,.dawak Dr, Karl Offen sau balna sangnika laihwi talyang,Dr, Humberto Carrión kidika laih lâ yamyang muihni as ki.

 

 

 

         

YUL WIRLAYANG BALNA

            Nuvia O, Vargas kidika yul wirlayang balna tunan, Maritza Corriols Inglis kaupak Ispayul yak wirlawi, Arturo Frenzel kidika laih alemán kaupak inglis  yak wirlawi dawak bik inglis kaupak ispayul yak ,Constantino Mejia Narveaz laih checo kaupak inglis yak dawak inglis kaupak ispayul yak wirlawi.

 

 

AMPUT  YAMNIN SUMALWA TUNAN BALNA

        Carlos Arellano Hartig witing kidika dî waya yamwi dawak bik wauhtaya ulwi yakna yak witing  diwayani ulna, Manuel Antonio Mejia Lacayo laih dî sangnika balna yulni ulwi dawak ting kau ais yamni yamnin balna kidika sumalwi, Dr, Karl offen laih Caribe yulni balna ulwi, Dr, Jaen Michel Maes witing laih wauhtaya balna yak amput ulwi yaknin kidika nining kawi.

         Wauhnitaya kidika muih laihwi talnin diski (Peer review),  kauna ais ulna balna bitik kidika laihwi tatalwi baisa ulwi yakwas tanit yak, dawak bik uhulna balna bitik ramhni duwi laihwi talnin ais baisa ulnin duwa kat bik .

 

 

SAHYAKNA TUNAN MUIHNI  BALNA

Kidika balna adika ki, Carlos Arellano Hartig, Alberto Barcenas, Guillermo Bendaña García,

Manuel Fernandez Vilchez, Eddy kuhl Arauz,Jean- Michel Maes, Harlan Olivas Regidor, Marvin Saballos Ramírez, Nuvia O. Vargas, dawak Carlos Tunnerman Bernheim, adika  tunan muihni balna  wauhtaya ulna kidika laihwi talwi yamni barangni yamwi ulwi yayakwi.

 

 

SAHYAKNA  TUNAN MUIHNI BALNA

       Sahyakna tunan balna kidika witingna laihwi talwi barangni yayamwi, dawi ulwi yayakwi, dawak bik ais amput yamnin kidika minit talwi yamni yamnin, Adika balna  ulna kidika, Ulyang balna, Guillermo Bendaña García, Humberto Carrión Mcdonquigh, Jaime Incer Barquero, Eddy kühl Arauz, Ligia Madrigal Mendieta, Geoffrey McCafferty, dawak Alexander Zosa- Cano. Ulyang balna yayamni kidika- Carlos Arellano Hartig, Humberto Carrión McDonough dawak Rigoberto Navarro Genie.

 
 

ULYANG  MINIT TALYANG BALNA

     Adika balna wauhtaya ulna balna kidika  yamni laihwi papatwi talwi yayakwi, witingna balna kidika, Guillermo Bendaña García, Humberto Carrión McDonough, Jaime Incer Barquero, Eddy Kuhl Arauz, Ligia Madrigal Mendieta, Rigoberto Navarro Genie, Nubia O.  Vargas dawak Alexader Zosa-Cano-

          Nubia O. Vargas  witing laih wauhtaya balna kidika laihwi talwi amput ulna balna kidika laihwi  barangni yamwi.

 

 

 

AMPUT ULNA BALNA KIDIKA ULWI YAKNIN

         Amput ulna balna ramhni duwa kidika, dawak amput ulwi yaknin tannika, diwaya balna dawak ting kau laihwi yamnin kidika. Yamni laihwi talnin ki. Adika pâni yak kawi laihta talnam na sipki baisa tannika amanglanin, https://www.temasnicas.net/enviar

 

 

ADIKA PANI YAKUT KANIN

         Wauhtaya ul yakna balna akut kânin https://www.temasnicas.net/, waiku bâni kidika sip ki  akat lakwi dȗnin,https://www.temasnicas,net/revistas  Wauhtaya uduhna pâni kidika Enrique Bolaños https://www.enriquebolaños.orq/articulo/temas.

 Wauhnitaya adika centroamerica yulni bik yulwi.

 

YUL WALWI TALNIN PANI

       Wauhtaya bitik apakna pâni balna bang kidika dawak ais kau yamna balna kidika wauhniyata.

.